בן-ציון קליבנסקי

און ווען איך זע אײַך יעדן אינ=דער=פֿרי

בלײַבט אַ בלויער הימל אין מײַן טאָג,

אַ בילד קאָליריק יונג און תמיד הִי

אויך אין שטומקייט הער איך וואָס ער זאָגט.

זיצנדיק אַזוי אַנטקעגן דעם קאָליר

בליִען ביימער און דאָס גראָז איז גרין,

קיין זאַך ניט פֿאַרוועלקט וואָס אַרום דיר

און וואָס געווען פֿאַרלאָרן, איך געפֿין.

פֿרעג איך בײַ דער פּאָר וואָס אינעם בילד,

ניט איר עלטערט זיך און ניט איר רעדט,

יונג און פֿריש ווי קיין זאַך ניט פֿארשפּילט, -

זאָגט, ווי ווערט בײַ אײַך אַ האָר ניט שפּעט. –